I Borghi di Octavia

Tor San Giòrs e la fricassà

Tor San Giors a organisa da diversi agn la Sagra dla fricassà, ël pì baròch dij piat dla tradission piemontèisa, n’esercissi dë stil ëd cusin-a che ansema a la bagna càuda a forma la cobia argin-a dla cusin-a tìpica regional.

Derivà da la memòria paisan-a, la fricassà a rapresentava na vera bombansa ‘d richëssa, anté ch’a j’ero tuj ij prodòt dla cassin-a. Minca provinsa a l’ha na “soa” fricassà, ën base a la disponibilità local d’ingredient o a la vzinansa con colture gastronòmiche diferente. Carn ëd vitel, ëd crin, sautisse, vërdure, pom, doss.

«La còsa che verament a rend inevitàbila la vìsita a Tor San Giòrs a l’é la Sagra dla fricassà a la piemontèisa.»

Dëscheurbe Tor San Giòrs

Torre san Giorgio non ha una torre, però ha una chiesa intitolata a San Giorgio ed è quindi probabile che il campanile della chiesa abbia rappresentato per la popolazione del piccolo borgo un punto di riferimento. La cosa che veramente rende imprescindibile la visita a Torre San Giorgio e che giustifica il fatto di non trovarci né una torre né un drago (quello di San Giorgio), è la Sagra del fritto misto alla piemontese!

Ecco un ottimo, motivo per venire a Torre (così la chiamano i suoi abitanti) in aprile, quando la natura si risveglia e inonda i campi che ricordano il paese di colori. Dopo aver scoperto le fragranze di questo piatto prendetevi un po’ di tempo per una passeggiata visitando la Collezione Carlo Sismonda, artista che in cinquant’anni di attività ha ottenuto importanti riconoscimenti.
Se è la natura è la vostra passione allora non perdetevi il parco del Sciu Sal, un’area immersa nel verde dedita a feste e avvenimenti e collocata sulla strada che porta a Scarnafigi.

Capela ‘d San Ròch

La cita capela a l’é stàita edificà mersì a le oferte dla popolassion e benedìa dël 1328. Dedicà a San Ròch, ël Sant invocà për la protession da la pest e j’epidemìe, arlongh ël Setsent a l’é stàita anzolivà da quàich quàder rafigurant San Ròch, San Sebastian e ‘l Crocifiss dël pitor Gioann Batista Rebaudengo ‘d Turin. Jë stùch dl’Eutsent a son euvra ‘d Giusep Cattaneo. Adess ëd proprietà dël Comune, l’edifissi as treuva ënt la piasëtta omònima.

Cesa ‘d San Giòrs

La cesa parochial ëd San Giòrs as treuva ënt ël sénter dël pais. L’edifissi a l’é dël 1710, quand ch’a l’é decidusse ‘d sostituì l’antica cesa parochial che na vira as truvava fòra dal pais. La cesa a l’é dë stil baròch, come a dimostro la strutura ën mon ross, la faciada linear e l’intern.

L’intern dla cesa a l’é decorà con piture dël 1829, euvra ‘d Dumini Cattaneo. A l’estern ël cioché a l’é stàit costruì dël 1722 për sostituì col precedent ch’a truvava ënt la part anvers ël Palass Comunal.

Bosc D’la Perzon

Estèis për 15.000 mq anviron a sud-òvest dl’abità ëd Tor San Giòrs, ël Bòsch dla përzon a l’é n’area verda caraterisà da la presensa ‘d chèrpo, arbre e gasìe, ma dzora ‘d tut ëd gròsse rol spatarà da ‘d sa e da ‘d là che, con la soa imponensa, a movimento ën paisagi che dësnò a sarìa piat e nojos. Ël passé pasi dël temp ën cost leu a l’é batù dal cant dj’osej e dal moviment prudent dj’animaj. Con ën pò ëd fortun-a e ‘d silensi as peulo oservesse l’ania servaja, ël fasan , ël pich ross, ël liron gròss e col bianch, e peui ël tass, l’ariss e ‘l ghi. Dël 2005 ël Comune ‘d Tor San Giòrs e ‘l WWF, con ël finansiament dla Fondassion Cassa ‘d Risparmi ‘d Salussi, a l’han realisà ën proget d’arcuper ambiental dl’area, finalisà a la valorisassion dla fonsion didàtich-ricreativa dël bòsch, ch’a prevëd l’alestiment d’ën percors naturalìstich, la riativassion dle gòje d’eva e ‘l piantament d’erbo, piante e piantin autòcton.

Pinacoteca Civica C. Sismonda

La Pinacoteca Cìvica “Carlo Sismonda” (1929-2011) a presenta 47 euvre dl’artista originari ‘d Racunis e sitadin onorari ‘d Tor San Giòrs, che ën sinquant’agn d’atività a l’hà otnù arconossiment important an Euròpa, ënt jë Stat Unì, ën Canada e ën Giapon.
Soe euvre as treuvo andrinta a musé e pinacoteche d’ògni part dël mond. L’atività artìstica ‘d Sismonda a l’é stàita na longa arserca rivà a na cifra stilìstica personal definìa daj crìtich ‘espressionism lìrich neoromàntich’. Dzora ‘d tut ënt j’ùltim agn d’atività Sismonda a l’é dedicasse a l’art sacra, operand ansima a n’arserca personal dzora la dimension religiosa dl’òmo. Ën tra ij tema afrontà, prevalenta a l’é la figura ‘d Crist, a la qual a son dedicà tre cicl figurativ conservà an autërtante cese piemontèise: Polens, Turin (Cesa parochial dle Valëtte) e Carmagnòla (Cesa dij Santissim Grat e Michel).

Parch dlë “Sciu Sal”

L’area verda dlë “Sciu Sal” a l’é dedicà a feste e aveniment: as peul prenotesse via mail diretament al Comune ‘d Tor San Giòrs.